കുവൈത്തില്‍ പാചക വാതക സിലിണ്ടറുകളുടേയും അനുബന്ധ ഉപകരണങ്ങളുടേയും ഇറക്കുമതി നിരോധനം പ്രാബല്യത്തില്‍.ചുമതലപ്പെടുത്തിയ കമ്പനികള്‍ക്ക് മാത്രമായിരിക്കും ഇനി ഇറക്കുമതിക്ക് അനുമതിയുണ്ടാവുക
എല്ലാ തരം ഗ്യാസ് സിലിണ്ടറുകളുടേയും അനുബന്ധ ഉപകരണങ്ങളുടേയും ഇറക്കുമതിക്ക് ഏര്‍പ്പെടുത്തിയ നിരോധനമാണ് ഇന്ന് പ്രാബല്യത്തിലായത്. പുതിയ നിയമം അനുസരിച്ച് രാജ്യത്തിനകത്തേക്ക് എല്ലാ തരം ഗ്യാസ് സിലിണ്ടറുകളും അനുബന്ധ ഉപകരണങ്ങളും ഇറക്കുമതി ചെയ്യുന്നതിനും വിതരണം ചെയ്യുന്നതിനും ഉള്ള ഉത്തരവാദിത്വം കുവൈത്ത് ഓയില്‍ ടാങ്കര്‍ കമ്പനിക്കും കുവൈത്ത് നാഷണല്‍ പെട്രോളിയം കമ്പനിക്കും മാത്രമായിരിക്കും.പ്രസ്തുത കമ്പനികള്‍ അല്ലാത്ത മറ്റ് കമ്പനികള്‍ ഇറക്കുമതി ചെയ്യുന്ന ഗ്യാസ് സിലിണ്ടറുകളും അനുബന്ധ ഉപകരണങ്ങളും ഗ്യാസ് റെഗുലേറ്ററുകളും എല്ലാ തരം വലുപ്പത്തിലും ആകൃതിയിലുമുള്ള ഹോസുകളും പ്രാദേശികമായി വില്‍ക്കുന്നത് കുറ്റകരമായിരിക്കും എന്ന് അധികൃതര്‍ അറിയിച്ചു
