ദുബൈ അല്‍ബര്‍ഷയില്‍ താമസകെട്ടിടത്തില്‍ തീപിടുത്തം, പരിക്കുകളില്ല

ദുബൈ: അല്‍ബര്‍ഷയില്‍ താമസ കെട്ടിടത്തില്‍ തീപിടുത്തം ഉണ്ടായി. അപകടത്തില്‍ ആര്‍ക്കും പരിക്കുകളില്ല. ദുബൈ സിവില്‍ ഡിഫന്‍സിന്റെ നേതൃത്വത്തില്‍ അതിവേഗം തീ നിയന്ത്രണ വിധേയമാക്കി. അല്‍ബര്‍ഷ ഒന്നില്‍ ഹാലിം സ്ട്രീറ്റില്‍ പതിമൂന്ന് നിലകളുള്ള താമസകെട്ടിടത്തിലാണ് തീപിടുത്തം ഉണ്ടായത്. കെട്ടിടത്തിന്റെ താഴത്തെ നിലയില്‍ സ്ഥിതി ചെയ്യുന്ന റസ്റ്ററന്റില്‍ പാചക വാതകം ചോര്‍ന്നതാണ് തീപിടുത്തത്തിന് കാരണമെന്ന് സ്ഥിരീകരിച്ചു. തീപിടുത്തം ഉണ്ടായതിനെ തുടര്‍ന്ന് കെട്ടിടത്തില്‍ നിന്നും താമസക്കാരെ അതിവേഗം ഒഴിപ്പിച്ചു. മലയാളികളടക്കം ഒട്ടേറെ ഇന്ത്യക്കാര്‍ ജോലി ചെയ്യുന്ന റസ്റ്ററന്റാണിത്. തീപിടിത്തത്തിന് മുന്‍പ് വലിയ ശബ്ദം കേട്ടതായി താമസക്കാര്‍ അറിയിച്ചു.