ദുബൈ നഗരത്തിന്റെ എണ്‍പത്തിയെട്ട് ശതമാനം പ്രദേശങ്ങളില്‍ ബസ് സര്‍വീസുകള്‍ ലഭ്യമാക്കിയിട്ടുണ്ടെന്ന് റോഡ്‌സ് ആന്റ് ട്രാന്‍സ്‌പോര്‍ട്ട് അതോറിട്ടി.ബസ് യാത്രക്കാരുടെ എണ്ണത്തില്‍ എട്ട് ശതമാനം വര്‍ദ്ധനയാണ് രേഖപ്പെടുത്തിയിരിക്കുന്നത്.
ദുബൈ ആര്‍ടിഎയും 1390 ബസുകള്‍ ഒരു ദിവസം എമിറേറ്റില്‍ നടത്തുന്നത് പതിനൊരായിരം ട്രിപ്പുകള്‍ ആണെന്നാണ് ആര്‍ടിഎ വ്യക്തമാക്കുന്നത്.ഈ ബസുകള്‍ എല്ലാം ചേര്‍ന്ന് ഒരു ദിവസം മാത്രം മൂന്ന് ലക്ഷത്തി മുപ്പത്തിമൂവായിരം കിലോമീറ്റര്‍ ദൂരം ഓടുന്നുണ്ട്.ആര്‍ട്ടിഫിഷ്യല്‍ ഇന്റലിജന്‍സ് അടക്കമുള്ള ആധുനിക സാങ്കേതിക വിദ്യകള്‍ ഉപയോഗിക്കുന്നതിനാല്‍ ബസ് സര്‍വീസുകളുടെ കാര്യക്ഷത വര്‍ദ്ധിക്കുകയും പ്രവര്‍ത്തനച്ചിലവ് കുറയുകയും ചെയ്തു.2024-ല്‍ 188 ദശലക്ഷം യാത്രക്കാരാണ് ആര്‍ടിഎ ബസുകളില്‍ സഞ്ചരിച്ചത്.2023-നെ അപേക്ഷിച്ച് യാത്രക്കാരുടെ എണ്ണത്തില്‍ എട്ട് ശതമാനം ആണ് വര്‍ദ്ധന.പ്രതിദിനം അഞ്ച് ലക്ഷത്തിലധികം യാത്രക്കാര്‍ ആര്‍ടിഎ ബസുകളില്‍ സഞ്ചരിക്കുന്നുണ്ട്.
187 റൂട്ടുകളിലാണ് ബസുകള്‍ സര്‍വീസ് നടത്തുന്നത്.13 ഇന്റര്‍സിറ്റി റൂട്ടുകളിലും ദുബൈ ആര്‍ടിഎയുടെ ബസുകള്‍ സര്‍വീസ് നടത്തുന്നുണ്ട്.ബസുകള്‍ക്കും ടാക്‌സികള്‍ക്കും മാത്രമായുള്ള പാതകളും ആര്‍ടിഎ വര്‍ദ്ധിപ്പിച്ചു.പതിമൂന്ന് കിലോമീറ്റര്‍ നീളത്തില്‍ ആറ് പുതിയ പാതകള്‍ ആണ് ആര്‍ടിഎ നിര്‍മ്മിച്ചത്.
