കേരളത്തില്‍ വീണ്ടും കോവിഡ് മരണങ്ങള്‍ കൂടുന്നു.ഇന്ന് സംസ്ഥാനത്ത് ഏഴ് കോവിഡ് മരണങ്ങള്‍ ആണ് സ്ഥിരീകരിച്ചത്.അതെസമയം സംസ്ഥാനത്ത് സജീവ കേസുകളുടെ എണ്ണം കുറഞ്ഞു.ഇന്ത്യയില്‍ ഇന്ന് പതിനൊന്ന് കോവിഡ് മരണങ്ങള്‍ ആണ് സ്ഥിരീകരിച്ചിരിക്കുന്നത്.ഇതില്‍ ഏഴെണ്ണം കേരളത്തിലാണ്.കേരളത്തിലെ ഇന്നലെ അഞ്ച് കോവിഡ് മരണങ്ങളും സ്ഥിരീകരിച്ചിരുന്നു.ഈ വര്‍ഷം ഇതുവരെ സംസ്ഥാനത്ത് 35 കോവിഡ് മരണങ്ങള്‍ ആണ് സ്ഥിരീകരിച്ചിരിക്കുന്നത്.
പുതിയതായി 87 പേര്‍ക്ക് കൂടി സംസ്ഥാനത്ത് രോഗബാധ സ്ഥിരീകരിച്ചു.1920 ആണ് നിലവിലെ സജീവ കേസുകള്‍.ഇന്ത്യയില്‍ ആക്ടീവ് കേസുകള്‍ 7264-ആയി വര്‍ദ്ധിച്ചു.കേരളം കഴിഞ്ഞ ഗുജറാത്തിലാണ് സജീവ കേസുകള്‍ കൂടുതല്‍.1433 കോവിഡ് രോഗികള്‍ ആണ് നിലവില്‍ ഗുജറാത്തില്‍ ഉള്ളത്.പശ്ചിമ ബംഗാളില്‍ 747 ഉം ദില്ലിയില്‍ 649 ഉം മഹാരാഷ്ട്രയില്‍ 540-ഉം ആണ് ആക്ടീവ് കേസുകളുടെ എണ്ണം.
