കേരളത്തില്‍ കനത്ത മഴ തുടരുന്നു.വിവിധയിടങ്ങളില്‍ വ്യാപക നാശനഷ്ടം.വടക്കന്‍ ജില്ലകളില്‍ മലവെള്ളപ്പാച്ചിലും മണ്ണിടിച്ചിലും.ജാഗ്രത പാലിക്കാന്‍ നിര്‍ദേശം.സംസ്ഥാനത്ത് വരുന്ന അഞ്ച് ദിവസം കൂടി ശക്തമായ മഴ തുടരുമെന്ന് കേന്ദ്ര കാലാവസ്ഥ വകുപ്പ്.വടക്കന്‍ കേരളത്തില്‍ പലയിടങ്ങളിലും വെള്ളം കയറി.കണ്ണൂരിലും ആലപ്പുഴയിലും കടലാക്രമണം രൂക്ഷം.കാസര്‍ഗോഡ് നിരവധി വീടുകളില്‍ വെള്ളം കയറി.
ദേശീയപാതയില്‍ ചിലയിടങ്ങളില്‍ മണ്ണിടിച്ചില്‍ ഉണ്ടായി.നിലവില്‍ കണ്ണൂര്‍, കാസര്‍ഗോഡ് ജില്ലകളില്‍ ഓറഞ്ച് അലേര്‍ട്ടും 7 ജില്ലകളില്‍ യെല്ലോ അലേര്‍ട്ടും പ്രഖ്യാപിച്ചിട്ടുണ്ട്.ഉയര്‍ന്ന കാറ്റിനും ശക്തമായ തിരമാലയ്ക്കും സാധ്യത ഉള്ളതിനാല്‍ തീരപ്രദേശത്തുള്ളവര്‍ ജാഗ്രത പാലിക്കണം.മത്സ്യത്തൊഴിലാളികള്‍ കടലില്‍ പോകരുതെന്നും നിര്‍ദേശം.മണിക്കൂറില്‍ 60 കിലോമീറ്റര്‍ വരെ വേഗതയില്‍ കാറ്റിന് സാധ്യതയുണ്ട്.ഗുജറാത്ത് തീരത്തെ ചക്രവാതച്ചുഴി ന്യൂനമര്‍ദമായി മാറിയേക്കാമെന്നും കാലാവസ്താ കേന്ദ്രത്തിന്‌റെ മുന്നറിയിപ്പ്
