കെട്ടിടങ്ങളില്‍ ഡിഷുകള്‍ സ്ഥാപിച്ചാല്‍ പിഴ:അബുദബി മുനിസിപ്പാലിറ്റി

അബുദബി: സാറ്റലൈറ്റ് ഡിഷുകള്‍ ഉപയോഗിക്കുന്നവര്‍ക്ക് കനത്ത പിഴ ഈടാക്കുമെന്ന് മുന്നറിയിപ്പ്. കെട്ടിടങ്ങളുടെ സൗന്ദര്യവും ശുചിത്വും സംരക്ഷിക്കുന്നതിന്റ ഭാഗമായാണ് നിര്‍ദ്ദേശം. അബുദബി മുനിസിപ്പാലിറ്റി ഗതാഗത വകുപ്പാണ് നിയമം സംബന്ധിച്ച് നിര്‍ദ്ദേശം നല്‍കുന്നത്. കെട്ടിട ഉടമകള്‍ അംഗീകൃത മാനദണ്ഡങ്ങള്‍ക്ക് അനുസൃതമായി സാറ്റലൈറ്റ് ഡിഷുകള്‍ സ്ഥാപിക്കണം. മേല്‍ക്കൂരകളിലും ബാല്‍ക്കണികളിലും ചുമരുകളിലും തെറ്റായ രീതിയില്‍ ഡിഷുകള്‍ സ്ഥാപിച്ചാല്‍ നിയമ നടപടി സ്വീകരിക്കും. നിയമലംഘനം കണ്ടെത്തിയാല്‍ ആദ്യം ആയിരം ദിര്‍ഹം പിഴ ഈടാക്കും. സമാനമായ ലംഘനം ആവര്‍ത്തില്‍ പിഴ തുക രണ്ടായിരം ദിര്‍ഹമാക്കി ഉയര്‍ത്തും. ആവര്‍ത്തിച്ചുള്ള നാലായിരം ദിര്‍ഹം പിഴ ചുമത്തും. കെട്ടിടങ്ങളുടെ ബാല്‍ക്കണികളില്‍ അനാവശ്യമായ ഫര്‍ണീച്ചറുകള്‍, മറ്റ് അവശിഷ്ടങ്ങള്‍, ആരോഗ്യത്തിന് ഹാനികരമാകുന്ന മറ്റ് വസ്തുക്കള്‍ എന്നിവ സൂക്ഷിക്കുന്നതിന് അഞ്ഞൂറ് ദിര്‍ഹം മുതല്‍ രണ്ടായിരം ദിര്‍ഹം വരെ പിഴ ഈടാക്കും. താമസ വാണിജ്യ മേഖലകളില്‍ മുനിസിപ്പാലിറ്റിയുടെ നേതൃത്വത്തില്‍ നിരന്തരം പരിശോധനകള്‍ തുടരുന്നതായും അധികൃതര്‍ അറിയിച്ചു.