ഇസ്രയേല്‍-ഇറാന്‍ സംഘര്‍ഷം തുടരുന്ന സാഹചര്യത്തില്‍ ഓപ്പറേഷന്‍ സിന്ധു പുരോഗമിക്കുന്നു.കൂടുതല്‍ ഇന്ത്യക്കാരെ തിരികെ നാട്ടിലെത്തിച്ചു.ഇസ്രയേല്‍-ഇറാന്‍ സംഘര്‍ഷം രൂക്ഷമായി തുടരുന്ന സാഹചര്യത്തില്‍ ഇരുരാജ്യങ്ങളിലുമുള്ള ഇന്ത്യക്കാരെ തിരികെയെത്തിക്കാനുള്ള നടപടികള്‍ ഊര്‍ജിതമായി തുടരുകയാണ്.ഇറാനില്‍ നിന്നുള്ള ഇന്ത്യക്കാരെ തിരികെ എത്തിക്കുന്ന ഓപ്പറേഷന്‍ സിന്ധുവിലൂടെ ഇന്ത്യയിലേക്ക് മടങ്ങിയെത്തിയവരില്‍ വിദ്യാര്‍ത്ഥികളും തീര്‍ത്ഥാടകരും ഉള്‍പ്പെടും.ഇറാനിലെ എല്ലാ ഇന്ത്യക്കാരേയും ഒഴിപ്പിക്കുകയാണ് ലക്ഷ്യമെന്ന് ഇന്ത്യന്‍ എംബസി വ്യക്തമാക്കി.ഇറാനില്‍ കുടുങ്ങി കിടക്കുന്ന ഇന്ത്യക്കാര്‍ ടെലഗ്രാം വഴിയോ ഹെല്‍പ്ലൈന്‍ നമ്പറുകളിലോ ബന്ധപ്പെടണമെന്ന് നിര്‍ദേശം.അതേസമയം ഇസ്രയേല്‍-ഇറാന്‍ സംഘര്‍ഷത്തിലെ അമേരിക്കയുടെ ഇടപെടല്‍ ദൗത്യത്തിന് പ്രതിസന്ധിയായേക്കുമോ എന്നൊരു ആശങ്ക നിലനില്‍ക്കുന്നുണ്ട്.
യുദ്ധ സാഹചര്യത്തില്‍ അടച്ച വ്യോമപാത ഇന്ത്യക്കാര്‍ക്ക് വേണ്ടി ഇറാന്‍ കഴിഞ്ഞ ദിവസം തുറന്നുനല്‍കിയിരുന്നു.ഇറാനില്‍ അമേരിക്ക നടത്തുന്ന ഇടപെടല്‍ വ്യോമപാത അടയ്ക്കാന്‍ കാരണമായേക്കും എന്നാണ് വിലയിരുത്തല്‍.അത്തരം സാഹചര്യമുണ്ടായാല്‍ ഇന്ത്യക്കാരെ തിരികെ എത്തിക്കാന്‍ അര്‍മേനിയ അട്ക്കമുള്ള രാജ്യങ്ങളായിരിക്കും ഇന്ത്യ തിരഞ്ഞെടുക്കുക.നിലവില്‍ ആശങ്കയ്ക്ക് അടിസ്ഥാനമില്ലെന്നാണ് ലഭിക്കുന്ന റിപ്പോര്‍ട്ട്
