ഏഷ്യയില്‍ വീണ്ടും കോവിഡ് വ്യാപനം.പുതിയ കോവിഡ് തരംഗമാണോയെന്നും ആരോഗ്യവിദഗ്ദ്ധര്‍ സംശയിക്കുന്നുണ്ട്.എന്നാല്‍ ഇന്ത്യയില്‍ കോവിഡ് കേസുകളില്‍ നിലവില്‍ വര്‍ദ്ധനയില്ല.
ചൈനയും സിങ്കപ്പൂരും അടക്കമുള്ള രാജ്യങ്ങളിലാണ് പുതിയ കോവിഡ് തരംഗം സംശയിക്കുന്നത്്.ഹോങ്കോങ്ങിലും സിങ്കപ്പൂരിലും ആരോഗ്യഅതോറിട്ടികള്‍ ജാഗ്രതാ നിര്‍ദ്ദേശം പുറപ്പെടുപ്പിച്ചിട്ടുണ്ട്.കോവിഡ് കേസുകളുടെ എണ്ണം ഈ വര്‍ഷത്തെ ഏറ്റവും ഉയര്‍ന്ന നിലയിലെത്തിയെന്നാണ് ഹോങ്കോങ് ആരോഗ്യസുരക്ഷാ കേന്ദ്രം വ്യക്തമാക്കുന്നത്.മെയ് ആദ്യ വാരം ഗുരുതരകേസുകളിലും കോവിഡ് മരണങ്ങളിലും കാര്യമായ വര്‍ദ്ധനയുണ്ട്.എന്നാല്‍ രണ്ട് വര്‍ഷം മുന്‍പത്തേതിന് സമാനമാം വിധത്തിലുള്ള കേസുകള്‍ നിലവില്‍ ഇല്ല.സിങ്കപ്പൂരില്‍ മെയ് ആദ്യ ആഴ്ച്ചയില്‍ തൊട്ടുമുന്‍പുള്ള ആഴ്ച്ചയേക്കാള്‍ കോവിഡ് കേസുകളില്‍ ഇരുപത്തിയെട്ട് ശതമാനത്തിന്റെ വര്‍ദ്ധനയാണ് രേഖപ്പെടുത്തിയിരിക്കുന്നത്.
14200 പേര്‍ക്കാണ് രോഗബാധ സ്ഥിരീകരിച്ചത്.ആശുപത്രിയില്‍ പ്രവേശിപ്പിക്കുന്ന രോഗികളുടെ എണ്ണത്തില്‍ മുപ്പത് ശതമാനത്തിന്റെ വര്‍ദ്ധനയും രേഖപ്പെടുത്തി.ജനങ്ങളുടെ പ്രതിരോധ ശേഷിയിലുണ്ടായ കുറവയാരിക്കും രോഗവ്യാപാനം കൂടാന്‍ കാരണം എന്നാണ് സിംഗപ്പൂര്‍ ആരോഗ്യമന്ത്രാലയത്തിന്റെ വിലയിരുത്തല്‍.ചൈനയില്‍ മെയ് നാല് വരെയുള്ള അഞ്ച് ആഴ്ച്ചകളില്‍ പുതിയ കേസുകളില്‍ ഇരട്ടിയിലധികം ആണ് വര്‍ദ്ധന.തായിലന്റിലും കോവിഡ് ബാധിതരുടെ എണ്ണം വര്‍ദ്ധിക്കുകയാണ്.
