എ ഐ സഹായത്തോടെയുളള പുതിയ പാര്ക്കിംഗ് സംവിധാനം അവതരിപ്പിച്ച് അബുബാദി ഭരണകൂടം. പുതിയ സംവിധാനപ്രകാരം, വാഹനങ്ങളുടെ നമ്പര് പ്ലേറ്റുകള് സ്കാന് ചെയ്ത് ഉടമയുടെ സാലിക് അക്കൗണ്ടില് നിന്ന് പണം ഈടാക്കും. ഇനി പാര്ക്കിംഗ് ഫീസ് അടക്കുന്നതിനായി വേണ്ടി വരുന്ന സമയം ലാഭിക്കാനാകും. ഗതാഗതക്കുരുക്ക് കുറയ്ക്കുന്നതിനും ഇത്തരം എഐ സേവനങ്ങള് വലിയ പങ്കുവഹിക്കുമെന്നാണ് വിലയിരുത്തല്.
ഗതാഗത മേഘലയില് ആധുനിക സാങ്കേതിക വിദ്യയുടെ സഹായത്തോടെ വിപുലായ മാറ്റങ്ങളാണ് നടപ്പിലാക്കുന്നത്. ഇതിന്റെ ഭഗമായാണ് പുതിയ പരിഷ്കാരം. അല് ഐനിലെയും അബുദാബിയിലെയും 15 ലധികം കേന്ദ്രങ്ങളിലാണ് എ.ഐ പാര്ക്കിംഗ് സംവിധാനം ഏര്പ്പെടുത്തിയിരിക്കുന്നത്. യാത്രക്കാര്ക്ക് തടസങ്ങളില്ലാതെ പാര്ക്കിങ് ഫീസ് അടയ്ക്കാനും സമയം ലാഭിക്കാനും ഇതിലൂടെ കഴിയുമെന്ന് അധികൃതര് വ്യക്തമാക്കി. വാഹനങ്ങള് പാര്ക്കിങ്ങ് ഏര്യയകളില് പ്രവേശിക്കുമ്പോഴും പുറത്തിറങ്ങുമ്പോഴും ക്യാമറകള് നമ്പര് സ്കാന് ചെയ്യും. വാഹനം എത്തുന്നതും പോകുന്നതുമായ സമയം കൃത്യമായി രേഖപ്പെടുത്തി പാര്ക്കിംഗ് ഫീസ് ഈടാക്കുകയും ചെയ്യും. വാഹന ഉടമയുടെ സാലിക് അക്കൗണ്ടില് നിന്നോ മവാഖിഫ് അക്കൗണ്ടില് നിന്നോ ആയിരിക്കും തുക ഈടാക്കുക. കുടൂതല് കേന്ദ്രങ്ങളില് പുതിയ പാര്ക്കിംഗ് സംവിധാനം നടപ്പിലാക്കാനുള്ള തയ്യാറെടുപ്പിലാണ് അധികൃതര്.
