ഇറാന്‍-ഇസ്രയേല്‍ ഏറ്റമുട്ടല്‍ കനക്കുന്നു.ഇറാനില്‍ നിന്നും ഇരുപതോളം മിസൈലുകള്‍ എത്തിയെന്നാണ് ഇസ്രയേല്‍ പ്രതിരോധ സേന വ്യക്തമാക്കുന്നത്.മുതിര്‍ന്ന ഇറാനിയന്‍ സൈനിക ഉദ്യോഗസ്ഥനെ കൊലപ്പെടുത്തിയെന്നും ഐഡിഎഫ് അറിയിച്ചു.അതെസമയം ഇറാനില്‍ കുടുങ്ങിയ ഇന്ത്യന്‍ വിദ്യാര്‍ത്ഥികളെ ഒഴിപ്പിക്കുന്നതിന് തുടക്കമായി.തുടര്‍ച്ചയായ അഞ്ചാം ദിവസം ആണ് ഇസ്രയേലും ഇറാനും പരസ്പരം ഏറ്റുമുട്ടുന്നത്.ഇറാനിലെ ടെഹ്‌റാനിലും ഇസ്രയേലിലെ ടെല്‍അവീവിലും ഇന്നും സ്‌ഫോടനങ്ങള്‍ നടന്നു.
ജറുസലേമിലും ഹെര്‍സലിയയിലും സ്‌ഫോടനം കേട്ടതായി ഇസ്രയേല്‍ മാധ്യമങ്ങള്‍ റിപ്പോര്‍ട്ട് ചെയ്തു.ഇരുപതോളം ബാലിസിസ്റ്റിക് മിസൈലുകള്‍ ഇസ്രയേല്‍ തൊടുത്തെത്താണ് ഇസ്രയേല്‍ പ്രതിരോധ സേന വ്യക്തമാക്കുന്നത്.മുപ്പതിലധികം ഡ്രോണുകള്‍ ഇറാന്‍ ഇന്നലെ രാത്രി ഇസ്രയേലിലേക്ക് അയച്ചു.ആക്രമണങ്ങളില്‍ നാല് പേര്‍ക്ക് നിസാരപരുക്കേറ്റെന്നും ഇസ്രയേല്‍ പ്രതിരോധ സേന അറിയിച്ചു.ഇറാനില്‍ സൈനിക കേന്ദ്രങ്ങളും ആണവകേന്ദ്രങ്ങളും ലക്ഷ്യമിട്ട് ഇസ്രയേല്‍ സൈന്യം ആക്രമണം തുടരുകയാണ്.ഇസ്ലാമിക് റെവല്യൂഷണറി ഗാര്‍ഡ്‌സിന്റ ഒരു മുതിര്‍ന്ന ഉദ്യോഗസ്ഥന്‍ അലി ഷദ്മാനിയെ വധിച്ചതായി ഇസ്രയേല്‍ പ്രതിരോധ സേന അറിയിച്ചു.ഇറാന്റെ യുദ്ധവിമാനങ്ങള്‍ തകര്‍ത്തതായും ഇസ്രയേല്‍ പ്രതിരോധ സേന അറിയിച്ചു.ഇന്നലെ ഇറാനിയന്‍ ദേശീയടെലിവിഷന് നേരെും ഇസ്രയേല്‍ ആക്രമണം നടത്തിയിരുന്നു.ഇന്നലെ രാത്രി ഇസ്രയേല്‍ നടത്തിയ ആക്രമണത്തില്‍ നാല്‍പ്പത്തിയഞ്ച് പേര്‍ കൊല്ലപ്പെട്ടെന്നും നൂറിലധികം പേര്‍ക്ക് പരുക്കേറ്റന്നും ഇറാന്‍ അറിയിച്ചു.
