യുഎഇയില് ഇത്തിഹാദ് റെയിലിന്റെ പാസഞ്ചര് ട്രെയിന് അടുത്ത വര്ഷം സര്വ്വീസ് ആരംഭിക്കും. നാനൂറ് പേര്ക്ക് സഞ്ചരിക്കാവുന്ന ട്രെയിനുകളാണ് സര്വ്വീസ് നടത്തുക. എല്ലാ പൊതുഗതാഗത സേവനങ്ങളിലും ഉപയോഗിക്കാന് കഴിയുന്ന തരത്തില് ഏകീകൃത ടിക്കറ്റായിരിക്കും നടപ്പിലാക്കുക.
യുഎഇയുടെ ഗതാഗത രംഗത്തെ സ്വപ്ന പദ്ധതിയാണ് ഇത്തിഹാദ് പാസഞ്ചര് ട്രെയിന് സര്വ്വീസ്. പദ്ധതി യാഥാര്ത്ഥ്യമാകുന്നതോടെ ഗതാഗത രംഗത്ത് വലിയ മാറ്റങ്ങള്ക്കാണ് വഴിയൊരുക്കുന്നത്. അബുദബിയില് നിന്നും ദുബൈയിലേക്കും തിരിച്ചും 57 മിറ്റില് യാത്ര ചെയ്യാം. അബുദബിയില് നിന്നും ഫുജൈറയിലേക്കുള്ള യാത്രയ്ക്ക് ഒരു മണിക്കൂറും 45 മിനിറ്റും മതിയാകും. ദുബൈയില് നിന്നും ഫുജൈറിയിലേക്ക് 50 മിനിറ്റാണ് ദൂരം. അബുദബിയിലെ സില മുതല് ഫുജൈറ വരെ രാജ്യത്തെ പതിനൊന്ന് നഗരങ്ങളെ ബന്ധിപ്പിച്ചാണ് ട്രാക്ക് ഒരുക്കിയിരിക്കുന്നത്.
1200 കിലോമീറ്റര് നീളമുള്ള റെയില് ശൃംഖലയാണ് ഒരുക്കിയിരിക്കുന്നത്. മണിക്കൂറില് 200 കിലോമീറ്ററാണ് ട്രെയിനിന്റെ വേഗത. ഒരേ സമയം നാനൂറ് പേര്ക്ക് സഞ്ചരിക്കാന് കഴിയും. സര്വ്വീസ് ആരംഭിക്കുന്നതോടെ എമിറേറ്റുകള്ക്കിടിയിലെ യാത്രാ സമയം കുറയും. എല്ലാ യാത്രക്കാര്ക്കും ഉപയോഗിക്കാന് കഴിയുന്ന തരത്തില് ഏകീകൃത ടിക്കറ്റ് സംവിധാനമാണ് നടപ്പിലാക്കുക. നോല് കാര്ഡുകള് ഉപയോഗിച്ചായിരിക്കും ടിക്കറ്റ് നല്കുക. ദേശീയ റെയില് ശൃംഖലയുടെ പുരോഗതി ഭരണാധികാരിയുടെ അല് ദഫ്ര മേഖലയിലെ പ്രതിനിധി ഷെയ്ഖ് ഹംദാന് ബിന് സായിദ് അല് നഹ്യാനോട് വിശദീകരിച്ചതായി ഇത്തിഹാദ് റെയില് പറഞ്ഞു. ഇത്തിഹാദ് റെയില് സിഇഒ ഷാദി മാലിക്കിന്റെ നേതൃത്വത്തിലുള്ള പ്രതിനിധി സംഘമാണ് നിര്മാണ പുരോഗതിയും പാസഞ്ചര് സര്വീസിന്റെ പ്രത്യേകതകളും വിശദീകരിച്ചത്.
