ദുബൈയില്‍ സര്‍വ്വീസ് ആരംഭിക്കാനൊരുങ്ങുന്ന ആകാശ ടാക്‌സിയുടെ ആദ്യ പരീക്ഷണം ദുബൈയില്‍ നടന്നു. ജോബി ഏവിയേഷന്‍സിന്റെ ഇലക്ട്രിക് ഫ്‌ളൈയിംഗ് ടാക്‌സി വിജയകരമായി പരീക്ഷണം പൂര്‍ത്തിയാത്തി. 2026 ല്‍ പൂര്‍ണതോതില്‍ സര്‍വ്വീസ് ആരംഭിക്കുമെന്ന് യുഎഇ ഉപപ്രധാനമന്ത്രിയും പ്രതിരോധമന്ത്രിയും ദുബൈ കിരീടാവകാശിയുമായ ഷെയ്ഖ് ഹംദാന്‍ ബിന്‍ മുഹമ്മദ് ബിന്‍ റാഷിദ് അല്‍ മക്തും അറിയിച്ചു.ദുബൈയുടെ ഗതാഗത രംഗത്തെ സ്വപ്‌ന പദ്ധതിയായ ആകാശ ടാക്‌സികള്‍ സര്‍വ്വീസ് ആരംഭിക്കാനൊരുങ്ങുകയാണ്. ദുബൈയില്‍ സര്‍വ്വീസ് നടത്തുന്ന ആകാശ ടാക്‌സി പരീക്ഷണ പറക്കല്‍ നടത്തി. ദുബൈ ആര്‍ടിഎയും കാലിഫോര്‍ണിയ ആസ്ഥാനമായി പ്രവര്‍ത്തിക്കുന്ന ജോബി ഏവിയേഷന്‍സും ചേര്‍ന്നാണ് ആകാശ ടാക്‌സികള്‍ ദുബൈയില്‍ എത്തിച്ചത്.
ആകാശ ടാക്‌സിയ്ക്കായി തയ്യാറാക്കിയ വെര്‍ട്ടിക്കല്‍ എയര്‍പോര്‍ട്ടില്‍ നിന്നും ടേക്ക് ഓഫ് ചെയ്ത് ദുബൈയുടെ ആകാശത്തു കൂടെ പറന്ന് തിരികെ വെര്‍ട്ടി പോര്‍ട്ടില്‍ ലാന്‍ഡ് ചെയ്തു. ആദ്യ പരീക്ഷണ പറക്കല്‍ വിജയകരമായി പൂര്‍ത്തിയാക്കിയാതായി യുഎഇ ഉപപ്രധാനമന്ത്രിയും പ്രതിരോധമന്ത്രിയും ദുബൈ കിരീടാവകാശിയുമായ ഷെയ്ഖ് ഹംദാന്‍ ബിന്‍ മുഹമ്മദ് ബിന്‍ റാഷിദ് അല്‍ മക്തും അറിയിച്ചു. ആകാശ ടാക്‌സികള്‍ എമിറേറ്റില്‍ വേനല്‍ക്കാലത്ത് പരീക്ഷണം നടത്തുമെന്ന് ദുബൈ ആര്‍ടിഎ അറിയിച്ചിരുന്നു. ഉയര്‍ന്ന താപനില, ടേക്ക് ഓഫ്, ലാന്‍ഡിങ് എന്നിവ നിരീക്ഷണം നടത്തി. 2026 ല്‍ ആകാശ ടാക്‌സികള്‍ പൂര്‍ണതോതില്‍ സര്‍വ്വീസ് ആരംഭിക്കുന്നതിനാണ് പദ്ധതിയെന്ന് ഷെയ്ഖ് ഹംദാന്‍ അറിയിച്ചു. എമിറേറ്റിലെ ജനങ്ങളുടെ ജീവിത നിലവാരം കൂടുതല്‍ മെച്ചപ്പെടുത്തുന്നതിന്റെ ഭാഗമായാണ് പദ്ധതി.
